Pass’Aran ei un recorrut de non pas desbrembar que se desvolope entre era Val d’Aran e era Arièja. Aguest circuit circular aufrís quate punts de partença: Montgarri ena versant espanhòla e era Maison du Valier, eth refugi d’Eylie e eth parking dera Pucelle (Val d’Òrla) per çò que tanh ara versant francesa.

 

Tot er itinerari ei senhalizat e se requerís ua bona condicion fisica e ua minima experiéncia entà interpretar mapes. Eth traçat, de paisatge majestuós e sauvatge, trauèsse pòrts que passen es 2.400 m. de nautada. Entà d’aqueri que jamès an pro, a mès pòden híger ascensions de grani tucs coma eth Crabèra, eth Mont Valier, Barlonguèra o eth Maubèrme. Eth mapa deth circuit ac traparàn enes 5 lotjaments dera rota.

​

Es camins que seguiràn son camins d’istòria. En sòn dia es camparòus treiguèren es pèires d’aquiu a on hègen es sues cuelhetes, lheuèren petiti murs e granges enriquint atau era arquitectura locau. Es minèrs de temps vielh, termiauen es camins entà goanhar-se era vida enes mines de nautada, ath sòn temps, es pastors regnauen enes pradères. D’ençà deth passat, caminants e contrabandièrs ja soentejauen aguestes rotes entà subervíuer. Es predits camins que van dera Val d’Aran ath Castillonais no trauèssen cap carretèra ne pista forestau.

Qu’ei pert tot açò, e força mès, Pass’Aran ei tanplan que òc, eth circuit transfronterèr damb mès encant des Pirenèus.