Eth refugi Amics de Montgarri ei un Refugi Espitau de Montanha, plaçat en pintoresc pòble abandonat de Montgarri.
Aguest, ei emplaçat ena antica rectoria deth pòble, ath cant dera la Glèisa “Mair de Diu de Montgarri”, deth S.XVI bastida sus ua antica capèla deth sègle XII.
As sòns entorns lèu non queden roeïnes der antic pòble.
Eth refugi ei plaçat en extrem nòrd-èst dera Val d’Aran, a 7 quilomètres deth “Plan de Beret”.
​
Un entorn unic, vene a conéisher-lo!​​
​
Eth refugi aufrís lotjament en dues modalitats: Refugi classic de montanha e ua abitacion privada damb banh en sòn interior e un confòrt extra Suite Ostau.
A mès, dispause de servicis de restauracion, bar, WC e doches entà clients, ràdio d’emergéncies, loguèr d’e-bikes, recarga d’e-bikes e informacion sus rotes ena zòna.
ACCèS
Er accès en veïcul ath Refugi Montgarri en ostiu ei permetut, encara qu’as d’auer en compde qu’es darrèri 7 quilomètres a compdar deth Plan de Beret ei ua pista de tèrra. Era pista comence a continuacion dera carretèra gondronada, peth marge dret dera val.
Tanben pòs vier a visitar-mos a pè, per un des dus camins recomanadi:
- Era Pista dera Solana que ges a man quèrra deth parking de Beret.
- Eth camin mercat que comence ara quèrra dera caseta de Montgarri Outdoor, ath hons deth parking de Beret.
Se ac preferisses, pòs baishar damb es nòstes E-Bikes, que pòs logar en Beret, e per supausat, damb era tua pròpria.
Disponibles a compdar deth 3 de Junh
Vengues coma vengues,
¡TE I DEMORAM!
50 ans amics de Montgarri
Enguan era Associacion Amics de Montgarri hè 50 ans. En vidèo que seguís se resumís era sua istòria, eth rebastiment dera Glèisa e era rectoria, e eth trabalh de plan d’autes persones qu’aimen aguest parçan dera Val d´Aran. José Moga, promotor d’aguesta iniciatiua relate era istòria d’aguest cornèr tan especiau.
